နေ၀င်ချိန်

ရွှေအိုရောင်နံနက်ခင်းနဲ့ အတူ

 
ကော်ဖီခါးခါးတခွက်ရဲ့ 

အငွေ့ အသက်အောက်မှာ

 
တို့ အားလုံးအမဲ လိုက်နေကြတယ်

 
အမြင့် ဆုံးကိုရောက်ဖို့ 

 
အနိမ့် ဆုံးက ဦးခေါင်းတွေပေါ်မှာ

 
ချေရာတွေထပ်လို့ .....

 
အားလုံးရဲ့ အာဏာပါနတေးသံတွေက

 
စီးဝါးမမှန်တာကများတယ်

 
ချေလှမ်းတိုင်းမှာ ''ငါ''ဆိုတဲ့ 

 
တောင်ပံခက်သံတွေ တဖြန်းဖြန်းနဲ့  ....

 
ဖြစ်လာရင်ပြက်စီးရမယ်ဆိုတဲ့ 

 
သဘောတရားကိုလက်ခံထားပါရဲ့ နဲ့ 

 
ဘာကြောင့် အနိစ္စတရားရဲ့ အောက်မှာ

 
ဒူးမထောက်လိုကြတာလဲ...

လိုက်တဲ့လူတွေကလိုက်ကြသလို

ပြေးတဲ့လူတွေကလဲမမောဘူး

လိုက်ရင်းပြေးရင်းနဲ့ 

ခေါင်းရင်းက စံပယ်ခြုံကို

ခလုပ်ဝင်တိုက်မိကာမှ

ချေရင်းကအုတ်ဂူတွေကို

သတိရမိကြတယ်

မင်းတို့ ဘယ်စီကိုပြေးပြေး

အချိန်တန်ရင်ငါ့စီရောက်လာမှာပါတဲ့ 

အားလုံးကိုစောင့်ကြိုနေတဲ့သူရှိတယ်

ကဲ....ကျွန်တော်တို့ အားလုံး

သူ့ စီကိုအလည်သွားကြပါအုန်းဆို့  ။ ။

အလင်းတန်းပိုင်ရှင်     (တန့် ဆည်)

အလင်းမဲ့နေတဲ့အနာဂတ်များ

ကြယ်လေးတွေကြယ်လေးတွေ

မျှော်လင့်ချက်တွေအတောင်ပံဖြန့် ရင်း

ပျံသန်းခွင့်လဲမရကြရှာဘူး

မင်းတို့ လေးတွေရဲ့ကောင်းကင်က

ဒီလောက်တောင်အလင်းရောင်ကင်းမဲ့ရသလားကွယ်

ဘ၀ဆိုတာကိုက……

ညီမျှခြင်းမပါတဲ့သင်္ချာတပုဒ်တဲ့လား

သမုဒ္ဒရာဝမ်းတထွာတဲ့

မင်းတို့ လေးတွေရဲ့ဆာလောင်မှုအတွက်

ဘယ်အရာတွေနဲ့ ချော့သိတ်ခဲ့ကြသလဲကွယ်

ငါလဲမင်းတို့ အတွက်

မျက်ရည်ကင်းမဲ့စွာငိုနေရတုန်းပါပဲ

ကိုယ့်အိပ့်မက်ကိုစောင်ခြုံလို့ 

အမှောင်လွှမ်းတဲ့ဒီညနက်ထဲ

ချမ်းရှာနေမလားကွယ်…..

ငါလဲမင်းတို့ အတွက်

မျက်ရည်ကင်းမဲ့စွာငိုနေရတုန်းပါပဲ

A.B.C.တတ်မှထမင်းမငတ်တဲ့ခေတ်ထဲမှာ

“၀”တလုံးတောင်ဝိုင်းအောင်းသင်ပေးခံကြရရဲ့လား

ငါလဲမင်းတို့ အတွက်

မျက်ရည်ကင်းမဲ့စွာငိုနေရတုန်းပါပဲ....။

အလင်းတန်းပိုင်ရှင်   (တန့် ဆည်)

ယမ်းနံ့ သင့်သွားသောမြေဇာပင်များ

ဒါဟာအရုဏ်ဦးရဲ့ဖျားနာခြင်းဖြစ်တယ်

မတူညီမှုတွေအတွက် ဒီလိုပဲကလေးဆန်နေရသလား

ခင်ဗျားတို့ ရဲ့အတ္တဆန်မှုတွေကို

ယုံကြည်မှုလို့ ခေါင်းစဉ်မတတ်ပါနဲ့ 

စိတ်လိုက်မာန်ပါကျွဲနှစ်ကောင်ကြား မှာ

မြေဇာပင်တွေလဲခဏခဏ သေတယ်

ဘာတဲ့.....´ စစ်` ဟုတ်လား……

မစစ်တော့ဘူး ခင်ဗျာဟာအခုမစစ်တော့ဘူး

မေခ မလိခ ဟာ ခင်ဗျာ ကြောင့်ငိုနေရတယ်

ဧရာဝတီဆိုတဲ့မိန်းမပျိုဟာ ခင်ဗျားရဲ့ရက်စက်မှုကြောင့်

အလှပျက်ခဲ့ရဘူးတယ်……

ခင်ဗျားတို့ ကျင်းပတဲ့ပွဲတော်ဟာ

လူသေကောင်တွေတိုးလာတာပဲအဖတ်တင်တယ်

မိသားစုတွေပြိုကွဲတာပဲအဖတ်တင်တယ်

ကလေးတွေလမ်းဘေးရောက်တာပဲအဖတ်တင်တယ်

ငါတို့ ရွာဟာ ယမ်းနံ့ တွေနဲ့ သင်းပျံ့လို့ 

ဘယ်လိုနတ်ဆိုးတွေက ဖန်ဆင်းကြတာလဲကွယ်

အောက်စီဂျင်တွေအစား ယမ်းနံ့ တွေကိုရူရှိုက်ရင်း

အားလုံးရဲ့စိတ်ထဲမှာ ဒဏ်ရာတွေဗလပွနဲ့ 

ကျုပ်တို့ ရဲ့ဆုံးရှုံမှုတွေအတွက်

ဘယ်သူ့ ကိုတိုင်ကြားလို့ ရပါသလဲ

အစရှာလို့ မရတဲ့ အမှုတွဲတွေကြားမှာ

ငါကိုယ်တိုင်လဲ တရားစီရင်ခွင့်မရရှာဘူး

သေတယ် ....မင်းတို့ က တောင်တွေကြားမှာသေတယ်

ငါက ကမ္ဘာတဖက်ခြမ်းကနေသေတယ်

ရပ်တော်မှုကြပါ ..... ရပ်တော်မှုကြပါ

ရင်ဘက်တွေ ကွဲအောင်အော်တယ်

အသံတွေကွဲအောင်အော်တယ်

အားလုံးရဲ့ဆုတောင်သံတွေ

မနက်ဖြန် အရုဏ်ဦးရဲ့ သေနက်သံကြားမှာ

ကွယ်ပျောက်မသွားပါစေနဲ့ ……….။

၂၁-၀၉-၂၀၁၂ ( သောကြာနေ့ )

 

ကချင်ပြည်နယ်တွင်ဖြစ်ပွားနေသောစစ်ပွဲအားရည်ရွယ်ပါသည်

 

အလင်းတန်းပိုင်ရှင်  (တန့် ဆည်)

မြတ်စွာဘုရား၏ အရပ်ဟာဘယ်လောက်ရှိပါသလဲ.....?

 

ဘုရားရှင်ရဲ့အရပ်တော်နဲ့ ပတ်သက်ပြီးတော့
အယူအစအမျိုးမျိုးနှင့်အတူ နေရာတော်တော်များများမှာငြင်းခုန်နေကြတာကိုတွေ့ ရပါတယ်
တချို့ ကဘုရားရှင်ရဲ့အရပ်တော်ဟာ(၁၈)တောင်ရှိတယ် တချို့ ကတော့
(၄)တောင်ပဲရှိတယ်စသဖြင့်အငြင်းပွားနေတာကိုစာရေသူငယ်စဉ်ကတည်းကကြားဘူးခဲ့သလို့ ယ္ခုထက်တိုင်နေရာအတော်များများမှာကြားနေရတုန်းပါပဲ
၊စာရေးသူတို့ ငယ်ငယ်ကသင်ရတဲ့ဝိနည်းဘာသာဋီကာမှာတော့(ရှင်စောတစ်ထွာမဂ်သုံးထွာ ထို့ ထွာခေါက်ချိုးထည့် )ဆိုတဲ့ဆောင်ပုဒ်ကလဲရှိနေပြန်တော့ဒီအယူအဆနှစ်ခုဟာဘယ်ဟာကမှန်တယ်မှားတယ်ဆိုတာကို
ကွဲကွဲပြားပြားမသိရတာတော့အမှန်ပါ ၊စာရေးသူလေ့လာထားမိသလောက်
ဒီပြဿနာဟာလွန်ခဲ့တဲ့ခရဇ်သက္ကရာစ်(၁၉၃၇)လောက်ကတည်းကယုတ္တိဗေဒကျွမ်းကျင်တဲ့ရှေ့ နေဦးဘဦးတို့ ဦစိန်ဖေတို့ကဒီပြဿနာကိုတိုးတတ်ရေးမဂ္ဂဇင်းတစ်ခုမှာဘုရားရှင်ရဲ့အရပ်တော်ဟာ(၁၈)တောင်မရှိဘူး၊ဘာကြောင့်လဲဆိုတော့ဘုရားရှင်းသာအရပ်(၁၈)တောင်ရှိခဲ့မယ်ဆိုရင် ဘုရားရှင်ရဲ့သင်္ကန်းတော်ကို ရှင်မဟာကဿပ ၀တ်၍ဖြစ်မှာမဟုတ်ဘူးတဲ့ ဘုရားရှင်နဲ့ ရှင်မဟာကဿပတို့ သင်္ကန်းလဲ၍၀တ်သည်ကိုထောက်သောအားးဖြင့် ဘုရားရှင်ရဲ့အရပ်တော်ဟာသူလိုငါလိုသာမန်သာဖြစ်လိမ့်မည်အရပ်(၁၈)တောင်ရှိတယ်ဆိုတာကျမ်းရေးတဲ့ဆရာတွေချဲ့ ထွင်းရေသားခြင်းသာဖြစ်တယ်လိုသုံးသပ်ကြပါတယ်။ဒါကိုလက်မခံနိုင်တဲ့စာပေပညာရှင်တွေဘက်ကလဲပြန်လည်ချေပကြပါတယ် အတိုင်းအရှည် ပမာဏနှင့်ပတ်သက်တဲ့ ပညတ်ချက်မှန်သမျှတွေမှာ အလျှားမည်မျှ၊
အနံမည်မျှသာမန်ဟောရိုးမရှိတဲ့ (တတြိဒံ ပမဏံ ဒီဃသော ဒွါဒဿဝိဒတ္ထိယော သုဂတ၀ိဒတ္ထိယာ တိရိယံ သတ္တန္တရာ)စသဖြင့်ဘုရားရှင်ရဲ့အထွာတော်ကို အထူးထည့်ပြီးဟောထားတယ်၊ အကယ်၍
ဘုရားအထွားတော်နှင့် ပကတိလူသားတွေရဲ့အထွာဟာအတူတူဖြစ်နေပါလျှင်
သုဂတ၀ိဒတ္တိယာ(မြတ်စွာဘုရား၏အထွာ)ဆိုတဲ့စကားဟာအပိုဖြစ်နေပါလိမ့်မည်၊အပိုဖြစ်မယ့်စကားကိုဘုရားရှင်ကဟောရိုးမရှိဘူး ဒါကြောင့် ဘုရားရှင်ရဲ့အရပ်တော်ဟာသာမန်ပကတိလူသားတွေထက်ပိုမိုကြီးထွားမယ်လို့ ပြန်လည်ချေပခဲ့ပါတယ် ၊ဒါပေမဲ့  ဒီပြဿနာဟာတိတိကျကျအဖြေမပေါ်ထွက်ခဲ့ပါဘူး
။ဒီကိစ္စနဲ့ ပတ်သက်ပြီး မြတ်စွာရှင်လက်ထက်က ဘုရားရှင်ရဲ့အရပ်ကိုတိုင်းဖို့ ကြိုးစားတဲ့ပုဏ္ဏားတစ်ယောက်ကိုစာရေးသူပြေးမြင်မိပါတယ်၊
 

(မဇ္ဈိမဋ္ဌ-၂၁၇)မှာရာဇဂြိုလ်ပြည်သားပုဏ္ဏားတစ်ယောက်ကဆွမ်းခံကြွလာတဲ့ဘုရားရှင်ရဲ့အရပ်ကိုတိုင်တာဖို့ 
အတောင်ခြောက်ဆယ်ရှည်လျားတဲ့ဝါးကိုကိုင်ပြီးစောင့်နေတယ် ဘုရားရှင်ကြွလာတော့
ဘုရားရှင်ရဲ့အရပ်ကိုတိုင်းတဲ့အခါမှာ အတောင်ခြောက်ဆယ်ရှိတဲ့ဝါးဟာ မြတ်စွာဘုရားရှင်ရဲ့ ပဆစ်ဒူးရိုးမျှပဲရှိတယ် ဒါနဲ့ ပုဏ္ဏားဟာ မကျေနပ်လို့ နောက်တကြိမ်ဝါးနှစ်လုံးဆက်ပြီးတိုင်းပြန်တယ်
ဒီတခါလဲဝါးဟာ ရှင်တော်မြတ်ဘုရားရဲ့ အရပ်ကိုမကျော်ပါဘူး၊ဒီတော့မှမြတ်စွာဘုရားကပုဏ္ဏားကိုဖြေကြားလိုက်တယ် ချစ်သားသင်သည်
စကြာဝဠာတိုက်တသောင်းမှာရှိသမျှဝါးတွေကိုဆက်ပြီးတော့တိုင်းစေဦးတော့ ၊ငါဘုရားရဲ့ ပမာဏကို တိုင်းလို့ ရမည်မဟုတ်ဟုမိန့် ကြားလိုက်တယ်။စာရေသူတို့ ထေရ၀ါဒဗုဒ္ဓသာသနာတော်မှာ
ဗုဒ္ဓစာပေနှင့်ပက်သက်ပြီးအငြင်းပွာဖွယ်ရာပြဿနာပေါ်ပေါက်လာလျှင်

***ပန်းပျိုးလက်***

ကမ်းလင့်မဲ့လက်တွေအတွက်

ငါကဖရောင်းတတိုင်လဲဖြစ်ချင်ခဲ့တယ်

အလင်းမဲ့နေတဲ့ကမ္ဘာဟာလဲ

မီးခြစ်တဆံရဲ့တန်ဖိုးကို

တရှိုက်မက်မက်လွမ်းနေလိမ့်မယ်

ကိုယ့်ပတ်ဝန်ကျင်အတွက်

ဘယ်နှခါစိတ်ချမ်းသာစေခဲ့ပါသလဲ ...?

ငွေကြေးရှိမှဒါနမြှောက်သတဲ့လားကွယ်

ငါကိုယ်တိုင်ကလဲထမင်းတလုပ်အတွက်

တအိမ်ဝင်လို့ တအိမ်ထွက်နေရတုန်းပါပဲ

တူညီတဲ့မိုးကုတ်စက်ဝိုင်းအောက်မှာရှိနေခဲ့တော့

မင်းဟာငါနဲ့ လဲအမျိုးတော်တယ်

လူပဲကွယ်... အချိန်တန်ဗိုက်ဆာရှာမှာပေါ့

ကံပြစ်ချရာမှာ ငါကအယူခံဖြစ်နေပေမဲ့

မင်းတို့ အတွက်ရက်ရက်ရောရောမိုးရွာတယ်

ဘာဆုမှမတောင်းဆိုပါဘူး

လူတန်းစေ့ဗိုက်ဝစေချင်ယုံကလွဲပြီးပေါ့

တကယ်တော့….

မင်းတို့ ရလိုက်လို့ ပျော်တဲ့အပျော်ကိုကြည့်ပြီးမှ

ငါကပီတိဖြစ်ခဲ့ရတာပါ…အဲ့ဒီပီတိနဲ့ 

ငါ့အိမ့်မက်တွေကိုကမ္ဗည်းထိုးရင်း

ရွက်ကျပင်တွေခဏခဏပေါက်တဲ့တောမှာ

ပန်းပျိုးသူတယောက်လဲဖြစ်ချင်ခဲ့တယ်……။

ဘာသာခြားများအတွက် လိုရင်းတိုရှင်း အဖြေအချို့ ...

 (အောက်ပါအကြောင်း အရာများဟာ 

မွတ်စလင်တစ်ဦးက မေးလို့ သူနားလည်အောင် အရပ်သုံးစကားများသုံးပြီး

 ဖြေဆိုထားခြင်းဖြစ်ပါတယ်။ နားလည်ပေးပါ။)

 

ဘုရားရှိခိုးရခြင်း၏အကြောင်းရင်း

ဘုရားရှိခိုးရခြင်း၏အကြောင်းရင်းမှာ မြတ်စွာဘုရားသည် ကောင်းသောသဘာဝတရားများ နှင့် မကောင်းသော သဘာဝတရားများကို ဟောကြားပေးခဲ့သည်။ သင်ကြားပေးခဲ့သည်။ ထိုကြောင့် မြတ်စွာဘုရားကို ဗုဒ္ဓဘာသာဝင်တို့က ဆရာအဖြစ်မှတ်ယူသည်။ ဆရာအဖြစ်မှတ်ယူကာ ကျေးဇူးတင်သည့်အနေဖြင့် ရှိခိုးခြင်းဖြစ်သည်။ မြတ်စွာဘု၇ားကို ကြောက်၍ ရှိခိုးခြင်းမဟုတ်ပါ။ ရှိမခိုးဘဲ နေလိုက နေနိုင်သည်။ ကိုယ်ကျင့်တရားသာ အဓိကဖြစ်သည်။ မိမိကိုယ်တိုင် ကိုယ်ကျင့်တရားကောင်းမွန်ကာ
ပတ်ဝန်းကျင်ကို ငြိမ်းချမ်းအောင် လုပ်ပေးဘို့နှင့် ကိုယ့်ပတ်ဝတ်ကျင် စိတ်ချမ်းသာအောင် လုပ်ပေးဘို့ အရေးကြီးသည်။

လွတ်လပ်ရေးရအောင်လုပ်ပေးသော အာဇာနည်သူရဲကောင်းများကို
နိုင်ငံသူ နိုင်ငံသားများက အုတ်ဂူသို့သွား၍ ကျေးဇူးတင် အမှတ်ရ အောက်မေ့သည့်အနေဖြင့် အလေးပြုကြသလို မြတ်စွာဘုရားကို ကျေးဇူးတင်သည့်အနေဖြင့် ရှိခိုးခြင်းသာဖြစ်ပါသည်။

ထိုသို့ရှိခိုးရတွင် အကြိမ်ရေ သတ်မှတ်ချက်မရှိပါ။ ရှိခိုးခြင်းထက် ကိုယ်ကျင့်သီလကို ဦးစားပေးသော ဘာသာဖြစ်သည့်အတွက် ကိုယ်ကျင့်ကောင်းဘို့သာလိုပါသည်။
ကိုယ်ကျင့်တရားမကောင်းပဲ ၂၄ နာရီပတ်လုံး ရှိခိုးစေကာမူ ချည်းနှီးဖြစ်သည့်အတွက်
ရှိခိုးခြင်းကို ဦးစားမပေးပါ။ သို့သော် အထက်မှာ ဖော်ပြခဲ့သလို ကျေးဇူးတင်သည့်အနေဖြင့် ရှိခိုးလိုက လွန်ခဲ့သော နှစ်ပေါင်း ၂၆၀၀ ခန့်က ပေါ်ပေါက်ခဲ့တဲ့ ဘုရားရဲ့ ဂုဏ်ကို အာရုံပြုပီး (၁) ကြိမ် သူ့ရဲ့တရားတော်ကို အာရုံပြုပီး (၁) ကြိမ် သူ့တရားတော်တွေကို မပျောက်အောင် ထိမ်းသိန်းစောင့်ရှောက်တဲ့သူတွေရဲ့ ဂုဏ်ကို အာရုံပြုပီး (၁) ကြိမ် စုစုပေါင်း တစ်ခါရှိခိုးခြင်း အမှုပြုက ဦး (၃) ကြိမ်ချရပါသည်။

ဘာသာရေးခေါင်းဆောင်များ "ပြောင်းကြပါ"

***မြတ်စွာဘုရားသည် သူ၏ မြောက်များစွာသော နေ့စဉ် လုပ်ငန်းစဉ် တို့တွင်
သတ္တ လောကကြီး၏ အခြေအနေကို တစ်နေ့နှင့် တစ်ညဥ့်လျှင် ခြောက်ကြိမ်မျှ ကြည့်ရှုတော် မူခြင်းသည် အလွန် အရေးပါသော လုပ်ငန်းကြီး တစ်ရပ် အဖြစ် ပါဝင်ပါသည်။

သတ္တလောကကြီး၏ အခြေအနေသည် သို့မဟုတ် ဒေသတစ်ခု၊ သတ္တဝါ တစ်စုစု၏ အခြေအနေသည် ကာမရာဂ လွန်ကဲ သောင်းကြမ်းသည်ဟု မြင်တော်မူလျှင် ထိုကာမရာဂကို ငြိမ်းအောင် ထိန်းသိမ်းဖို့ သမာဓိ ကျင့်စဉ်ကို ညွှန်ပြတော်မူသည်။....

ရံခါ ဒေသတစ်ခု သတ္တဝါတစ်စုစုမှာ သို့မဟုတ် မင်းစိုးရာဇာတို့လောကမှာ
အာဏာ မက်မောမှုတည်းဟူသော အကြောင်းကြောင့် သတ်ဖြတ်နှိပ်စက်ခြင်းများသည် ကို မြင်တော် မူလျှင် ဒေါသကိုနှိမ်နှင်းဖို့ မေတ္တာလမ်းစဉ်ကို ညွှန်ကြားတော်မူသည်။....

ရသေ့ ရဟန်း ယောဂီ သမဏဗြဟ္မဏ တို့လောက၌ ဓမ္မနှင့်အဓမ္မအငြင်းပွား၍
ငြင်းခုံ ကွဲပြားကြသည်ကို မြင်တော်မူလျှင် ထိုသမဏ ဗြဟ္မဏတို့အား ပညာလမ်းစဉ်ကို လိုက်နာ ကျင့်သုံးကြဖို့ ဟောကြားတော်မူပါသည်။
 

ဤသို့မြတ်စွာဘုရားသည် သတ္တဝါလော ကကြီး၏ အခြေအနေကို ရှုမြင်သုံးသပ်၍
အခြေအနေအားလျော်စွာ ကျင့်သုံးပုံနည်းစနစ်များကို ဟောကြားညွှန်ပြတော်မူသည်ကို
ကျွန်ုပ်တို့ ဘာသာရေးခေါင်းဆောင်များ အတုယူလိုက်နာဆောင်ရွက်ဖို့ ကောင်းပါသည်။

*** ကျွန်ုပ်တို့ ဘာသာရေးခေါင်းဆောင်များသည် မျက်စိနှင့်နားကို ကျယ်ကျယ်ဖွင့်၍
လောကကြီး၏အခြေအနေကို အစဉ်မပြတ် ကြည့်ရှုသုံးသပ် နေသင့်ပါသည်။
လူ့လောကကြီး၏ လိုအပ်ချက်အရ အစဉ်မပြတ် ကြည့်ရှု ဖြည့်စွက်ပေးဖို့ရန်မှာ
ကျွန်ုပ်တို့ ဘာသာရေးခေါင်းဆောင်များ၏ တာဝန်တစ်ရပ် ဖြစ်ပါသည်။
ကျွန်ုပ်တို့ ဘာသာရေး ခေါင်းဆောင်များ ဓမ္မကို ဖြန့်ချိခြင်းသည်
လူ့လောကကြီး၏ လိုအပ်ချက်နှင့် ကိုက်ညီဖို့ အရေးကြီးပါသည်။
ဓမ္မနှင့်လူသား တခြားစီ မဖြစ်ရလေအောင် ဓမ္မနှင့်လူသား တစ်ထပ် တည်းကျအောင် ဖြန့်ချိနိုင်ပါမှ လူ့လောကကြီး၏ လိုအပ်ချက် ပြည့်စုံမည် ဖြစ်ပါသည်။
သို့မှသာ လူသားအများစုတို့က ဘာသာရေး ခေါင်းဆောင်တို့သည်
လူ့လောကကြီး အတွက် မရှိမဖြစ် လိုအပ်သော ပုဂ္ဂိုလ်များ ဖြစ်ကြသည်ဟု ယုံကြည်စိတ်ချ ကျေးဇူးတင်လာကြမည် ဖြစ်ပါသည်။

သိပ္ပံနှင့်နည်းပညာ တစ်ဟုန်ထိုး တိုးတက်ထွန်းကားလာသော ယနေ့ခေတ်၌
လူ့လောကကြီး၏ လိုအပ်ချက်ကို မဖြည့်စွက်နိုင်သော
လောကနှင့်ဓမ္မကို တစ်သားတည်း ကျအောင် ဦးမဆောင်နိုင်သော ဘာသာရေး ခေါင်းဆောင်တို့ကို လူသားတို့က တစ်နေ့တခြား လူ့လောကကြီး၏ အပိုအလျှံများသဖွယ် မြင်လာနေကြပြီဖြစ်သည်။

ယနေ့လူငယ်အချို့ကဆိုလျှင် ဘာသာရေးမှ ရုန်းထွက်ဖို့ပင် ကြိုးစားနေကြပြီး
သိပ္ပံနှင့် နည်းပညာသည်သာလျှင် လောကကို ကောင်းကျိုးပြုသည်ဟု
တစ်ဖက်သတ် မြင်လာနေကြပေပြီ။ သို့သော် ထိုသိပ္ပံနှင့် နည်းပညာသည် လောကကောင်းကျိုးကို ပြုပင်ပြုငြားသော်လည်း
လူလောကကြီးကို လူညွန့်တုံးအောင် သတ်ဖြတ် နှိပ်စက်သည်မှာလည်း
ယင်းတို့ပင် ဖြစ်ကြသည်ကို သတိပြုကြရန် လိုအပ်လှပါသည်။

*** တက်ထရာဆိုင်ကလင်း ဆေးသည် အဖျားပျောက်ဆေး တို့တွင် အကောင်းဆုံးပင် ဖြစ်သော်လည်း အစာအိမ်ကို လောင်ကျွမ်းစေကာ ရောဂါတစ်မျိုး ထပ်တိုးစေသည်မှာလည်း ဤဆေးပင် ဖြစ်ပါသည်။ ***

(၅၊၈၊၁၉၄၇)ရက်တွင် ဂျပန်နိုင်ငံရှိ နာဂါဆာကီနှင့် ဟီရိုရှီးမားမြို့တို့မှာ
လူသိန်းပေါင်း များစွာကို သတ်ခဲ့သော အဏုမြူဗုံးသည်
သိပ္ပံဆရာများ တီထွင်ခဲ့သော လက်နက်ပင် မဟုတ်ပါလော။

ဘာသာရေးတိုင်းသည် လူသားတို့၏ စိတ်နှလုံးကို သူ့နည်းသူ့ဟန်ဖြင့်
အသီးသီး ငြိမ်းချမ်းမှု ပေးနိုင်ကြပြီး လူသားတို့စိတ်နှလုံးကို ယဉ်ကျေးစေနိုင်သည်ဟု ကျွန်ုပ်တို့ ယုံကြည်မျှော်လင့်ပါသည်။

ယနေ့ မျက်မှောက်ခေတ်၌ ကျွန်ုပ်တို့ ဘာသာရေးခေါင်းဆာင် အားလုံးသည်
လူ့လောကကြီး၏ မရှိမဖြစ် လိုအပ်သော ပုဂ္ဂိုလ်များဖြစ်ကြောင်း
လူသားအများစု နားလည်ခံယူလာအောင် ကျွန်ုပ်တို့ အားထုတ်ကြရမည် ဖြစ်ပါသည်။

***မြတ်ဗုဒ္ဓ လက်ထက်တော်ကာလက ကုရုတိုင်း၊ ထုလ္လကောဋ္ဌိကမြို့သို့ မြတ်စွာဘုရား ရောက်သွားသောအခါ
မြတ်ဗုဒ္ဓ၏ဓမ္မကို နာကြားရသဖြင့် ဘီလျံနာသူဋ္ဌေး ရဋ္ဌပါလရဟန်း ပြုခဲ့သည်။
ဘီလျံပေါင်း များစွာသော ပစ္စည်းဥစ္စာတို့ကိုစွန့်၍ ရဟန်းပြုခဲ့သော ..အရှင်ရဋ္ဌပါလကို
ကောရဗျမင်းကြီးက အောက်ပါအတိုင်း မေးလျှောက်ပါသည်။ ....

''အရှင်ဘုရားသည် ဤမျှကြီးကျယ်သော ပစ္စည်းဥစ္စာတွေကိုစွန့်ပြီး မည်သည့်ချမ်းသာ သုခကို မြင်၍ ရဟန်းပြုခဲ့ပါသနည်း'' အရှင်ရဌပါလက ပြန်လှန်၍ မေးခွန်းထုတ်ပါသည်။

''ဒကာတော်မင်းကြီး ရသေ့ရဟန်းတို့ အပေါ်မှာ သင်သည် အဘယ်ကဲ့သို့ မြင်ပါသနည်း''

မင်းကြီးကဆိုပါသည်...

''လူတွေဟာ စီးပွား ပျက်သောကြောင့် လည်းကောင်း၊ ဆွေမျိုး ပျက်သောကြောင့် လည်းကောင်း၊ အိုမင်းရင့်ရော်သောကြောင့် လည်းကောင်း၊
ကျန်းမာရေး ပျက်သောကြောင့် လည်းကောင်း၊ စားဝတ်နေရေး အခက်တွေ့တဲ့ လူတွေဟာ ဘာသာရေး ခေါင်းဆောင် ဝင်လုပ်ပြီး စားစရာ၊ ဝတ်စရာ၊ နေစရာ တွေကို ရှာကြတာပဲ''။

တိုင်းပြည်နှင့် လူသားတွေ အတွက် ဘာအကျိုးကျေးဇူးမှ မပြုသည့် အဓိပ္ပာယ်ကို မင်းကြီးက ဆိုလာသည်။

ဘာသာရေး ခေါင်းဆောင်တွေဟာ လူပိုတွေ အချောင်သမား တွေလို့မြင်တဲ့
အမြင်ရှိ သူအချို့ ဗုဒ္ဓရှင်တော် လက်ထက်တော် အခါကပင်လျှင် ရှိဖူးပါသည်။
ပညာမဲ့သော လူသားတို့ ဤသို့မြင်သည်မှာ အလွန်အရေးမကြီး လှသော်လည်း
ကောရဗျ မင်းကဲ့သို့ မင်းစိုးရာဇာတို့က ဤအမြင်မျိုး ရှိသည်မှာ
ကျွန်ုပ်တို့ ဘာသာရေးခေါင်းဆောင်များ သတိပြုစရာပင် ဖြစ်ပါသည်။

***အရှင်ရဌပါလ၏အဖြေမှာ---

၁။ ဒကာတော်မင်းကြီး သတ္တဝါလောကကြီးတစ်ခုလုံး တလှုပ်လှုပ်ဖြစ်နေသည်။
သတ္တဝါလောကကြီး တစ်ခုလုံးမှာ တည်ငြိမ်မှုမရှိဘူး။ ငါသည် ဗုဒ္ဓသာသနာတော်၌ ဘဝ၏ တည်ငြိမ်မှုကို တည်ဆောက်ဖို့ ဝင်ရောက်လာခြင်း ဖြစ်သည်ဟု ဖြေပါသည်။

အရှင်ဘုရား၏ ဘဝတည်ငြိမ်မှုကို ဘာနှင့်တည်ဆောက်သလဲဟု....

မင်းကြီးကမေးလျှင် အရှင်ရဌပါလက ငါ့ဘဝရဲ့ တည်ငြိမ်မှုကို ဓမ္မဖြင့် တည်ဆောက် နိုင်ခဲ့သည်ဟု ဖြေကြားလိုက်သည်။

၂။ ဒကာတော်မင်းကြီး သတ္တဝါလောကကြီး တစ်ခုလုံးမှာ မီးဟုန်းဟုန်း တောက်လောင် နေပါသည်။ ငါသည် မြတ်ဗုဒ္ဓ၏ သာသနာတော်၌ တဟုန်းဟုန်း တောက်လောင်နေသော မီးကို ငြိမ်းအေးစေဖို့ ဝင်ရောက်လာခြင်း ဖြစ်သည်။
ဘဝမီးတောက်မီးလျှံများကို ဓမ္မဖြင့် ထိန်းချုပ်နိုင်ခဲ့သည်ဟု ဖြေတော်မူခဲ့ပါသည်။

၃။ ဒကာတော်မင်းကြီး သတ္တဝါလောကကြီးတစ်ခုလုံး အိုနာသေ သုံးမျိုးတို့ နှိပ်စက်သောအခါ ဘယ်တန်ခိုးရှင်မှ ထိန်းချုပ်လို့မရဘူး။
ထို့ကြောင့် ထိုဒုက္ခသုံးမျိုးတို့ကို ထိန်းချုပ်ဖို့ ငါသည် သာသနာတော်သို့ ဝင်ရောက်လာခဲ့သည်။ ထိုဒုက္ခသုံးမျိုးတို့ကို ငါသည် ဓမ္မဖြင့် ထိန်းချုပ်နိုင်ခဲ့သည်ဟု ဖြေတော်မူခဲ့ပါသည်။

၎။ ဒကာတော်မင်းကြီး သတ္တဝါလောကကြီး တစ်ခုလုံးမှာ ပစ္စည်းဥစ္စာ ရာထူးအာဏာ တွေဆိုတာ တကယ်စင်စစ် ကိုယ်ပိုင်ဥစ္စာ အဖြစ် ဘာကိုမှ မပိုင်ဆိုင်ကြဘူး။
ငါ့ဥစ္စာဟု ပြောနေကြသော်လည်း နှစ်ပေါင်းတစ်ရာထက် ပို၍ ပြောဆိုပိုင်ဆိုင်ခွင့် မရှိကြဘူး။
နှစ်တစ်ရာ မပြည့်မီမှာ ထိုပိုင်ဆိုင်မှု အားလုံးတို့ကို စွန့်လွှတ်ကြရစမြဲ ဖြစ်သည်။
သို့ဖြစ်ခြင်းကြောင့် ဗုဒ္ဓသာသနာတော်၌ ငါသည် ကိုယ်ပိုင်ဥစ္စာရှာဖို့ ဝင်ရောက်လာခဲ့ခြင်း ဖြစ်သည်။ ငါကျင့်ထားသော ဓမ္မအားလုံးတို့ကို ငါပိုင်ခဲ့လေပြီဟု ဖြေတော်မူခဲ့ပါသည်။

၅။ ဒကာတော်မင်းကြီး သတ္တဝါလောကကြီး တစ်ခုလုံးသည်
မည်သည့်ပစ္စည်းဥစ္စာ မည်သည့် ရာထူးအာဏာတို့ မည်မျှပင် ရထားကြစေကာမူ အလိုမပြည့်နိုင်အောင် ဖြစ်နေကြသည်။ အလိုရှိနေသမျှ မည်သို့ပင် ဖြည့်ကြသော်လည်း အလိုကား မပြည့်ကြပေ။ အလိုမပြည့်မီမှာပင် လူသားအားလုံးတို့ သေကြရမည်ဖြစ်သည်။
ထို့ကြောင့် ငါသည် မြတ်ဗုဒ္ဓသာသနာ၌ ငါ၏ အလိုဆန္ဒတို့ကို ပစ္စည်းဥစ္စာ ရာထူးအာဏာတို့ဖြင့် မဖြည့်ဘဲ ဓမ္မဖြင့် ဖြည့်ခဲ့လေပြီ။ လိုသည်ဆိုသည့် လောဘ၏ နေရာ၌ ဓမ္မဖြင့် အစားထိုးနိုင်ခဲ့သဖြင့် ကျွန်ုပ် အလိုပြည့်ခဲ့လေပြီဟု ဖြေတော်မူခဲ့ပါသည်။

၆။ ဒကာတော်မင်းကြီး လူသားတို့သည် ''လိုသည် လိုသည်''ဆိုသည့် လိုအပ်ချက် ကို
ရှာဖွေ ဖြည့်စွက်ကြရာ၌ လိုအပ်ချက်တို့ကို အဆုံးမသတ် နိုင်ခဲ့ကြသည့် ။
ထိုအတွက်ကြောင့် တဏှာလောဘ၏ ကျေးကျွန်များအဖြစ်သာ ဖြစ်ခဲ့ကြရလေသည်။
ငါသည် တဏှာ၏ ကျေးကျွန်အဖြစ်က လွတ်ဖို့ရန် အတွက် ရဟန်းဝတ်ခဲ့သည်ဟု ဖြေတော်မူခဲ့ပါသည်။

***ဤသို့လျှင် အရှင်ရဌပါလ၏ မွန်မြတ်သော မှန်ကန်သော ရဟန်းပြုခြင်း၏ ရည်ရွယ်ချက်တို့ကို မင်းကြီး ကြားသောအခါ အလွန်ပင် ကျေနပ် နှစ်သက်ခဲ့လေသည်။
ကျေနပ် နှစ်သက်ခြင်းကြောင့် သူစွပ်စွဲခဲ့မိသော အပြစ်တို့ကို တောင်းပန်ဝန်ချ ကန်တော့ခဲ့သည်။
ဤနေ့မှစ၍ ရတနာသုံးပါးကို ကိုးကွယ်ပါ၏ဟု လျှောက်ထားခဲ့လေသည်။
သို့ဖြစ်ခြင်းကြောင့် ယနေ့နိုင်ငံအသီးသီး လူမျိုးအသီးသီး စီးပွားရေး အကြပ်အတည်းတို့နှင့် ရင်ဆိုင်ကြုံတွေ့ နေကြရသော ကာလ၌ နိုင်ငံအသီးသီးရှိ လူသားတော်တော်များများ
အလုပ်လက်မဲ့ဖြစ်၍ စားဝတ်နေရေး အခက်အခဲ တွေ့နေကြရသည်ကို
ကျွန်ုပ်တို့ ဘာသာရေး ခေါင်းဆောင်များ အားလုံး မြင်တွေ့နေကြရပြီး ဖြစ်ပါသည်။

စီးပွားရေး အကြပ်အတည်း နိုင်ငံရေး အကြပ်အတည်း ဘာသာရေး အကြပ်အတည်း ဤသုံးခုတို့သည်
တခြားစီ မနေကြဘဲ အပြန်အလှန် မှီတွယ်၍ နေတတ်ကြပေသည်။
နိုင်ငံရေးစီးပွားရေး အကြပ်အတည်းကြောင့် လူအများစု အလုပ်လက်မဲ့ ဖြစ်နေကြရသည်ကို ကြည့်၍ ကျွန်ုပ်တို့ခေါင်းဆောင်များ ဘာသာရေး အလုပ်လက်မဲ့ မဖြစ်ရလေအောင် အထူး သတိပြုကြရမည် ဖြစ်ပေသည်။

ဗုဒ္ဓဘာသာဝင်တွေ အနေနဲ့ မိမိတို့လုပ်ဆောင်ကြရမည့် ...
လူမှုရေး အကျိုးပြုလုပ်ငန်းများ၊ ပိဋကတ် သင်ကြားပို့ချရေး လုပ်ငန်းများ၊
ကမ္မဋ္ဌာန်း ကျင့်ကြံ အားထုတ်ရေး လုပ်ငန်းများကို ယနေ့ခေတ်၌ နှစ်ဆတိုး ကြိုးစား၍ လုပ်ဆောင်ကြရမည် ဖြစ်သည်။ အရှင်ရဌပါကကို ကောရဗျမင်းကြီး စွပ်စွဲသလို အစွပ်စွဲ မခံကြရလေအောင် ကြိုးစားကြရမည် ဖြစ်ပေသည်။

***ကောရဗျ မင်းကြီးကဲ့သို့ ဘာသာရေးခေါင်းဆောင်တို့ အပေါ်
အထင်အမြင် သေးကြသည့် လူတို့၏ စိတ်နှလုံးကို ကျေနပ်နှစ်သိမ့်မှု ရအောင်
အရှင်ရဌပါလကဲ့သို့ အားထုတ်ကြရမည် ဖြစ်သည်။ ထို့ပြင် လှုပ်ရှားနေသော ကမ္ဘာကို တည်ငြိမ်မှုရှိအောင် ကြိုးစားဖို့မှာ ကျွန်ုပ်တို့၏ တာဝန် ဖြစ်ပေသည်။

ကမ္ဘာကို တုန်လှုပ်စေသော လူတွေထဲမှာ ကျွန်ုပ်တို့ ဘာသာရေး ခေါင်းဆောင်များ မပါဝင်ဖို့ အရေးကြီးပါသည်။ လူ့လောကကြီး၏ လိုအပ်ချက်တို့ကို ကျွန်ုပ်တို့ ဝိုင်းဝန်းဖြည့်စွက် ပေးနိုင်ကြဖို့ အားထုတ်ကြရမည် ဖြစ်ပါသည်။

လိုအပ်ချက်ဆိုသည်မှာ စိတ်ဓာတ်ရေးရာ လိုအပ်ချက်ကို ဆိုလိုပါသည်။

သို့မှသာ ကမ္ဘာ့လူသားအများစုက ဘာသာရေးခေါင်းဆောင် တို့သည်
ကမ္ဘာ့လူသားအားလုံး တို့အတွက် ကျေးဇူးပြုတတ်သော
အထူး အားကိုးထိုက်သော ပုဂ္ဂိုလ်များဖြစ်သည်ဟု သိမြင်လာကြမည် ဖြစ်ပါသည်။

ဤ သည်ကား ကျွန်ုပ်၏ တောင်းဆိုမှုပင် ဖြစ်ပါသတည်း။

ပူလောင်နေသော ကမ္ဘာမှာ ကျွန်ုပ်တို့သည် မီးသတ်သမားများသဖွယ်
ကိလေသာမီး သောကမီး စစ်မီးတုိ့ကို ငြိမ်းသတ်နိုင်သော ပုဂ္ဂိုလ်များအဖြစ် ကမ္ဘာ့ရေးရာမှာ ပါဝင်ကြရမည်ဖြစ်ပါသည်။ ကမ္ဘာ့လောကကို မီးဝိုင်းရှို့သော လူတွေထဲမှာ ကျွန်ုပ်တို့ မပါဝင်နိုင်ပေ။  

ကျွန်ုပ်တို့ ဘာသာရေးခေါင်းဆောင်များသည် လူသားတို့ထံမှ ဘာကိုမျှ မတောင်းဆိုကြပါ။

***သို့သော် ....
'' Jealousy ကို Joy ပြောင်းကြပါ။
Evil ကို Good သို့ပြောင်းကြပါ။
Ignorance ကို Enlightenment သို့ ပြောင်းကြပါ။
အဝိဇ္ဇာမှ ဝိဇ္ဇာသို့ ပြောင်းကြပါ''
ဟူသော Change ကို တကယ်ပဲ တောင်းဆိုလိုပါသည်။
သီတဂူ စန်းလပမာ ချမ်းမြသာယာရှိကြပါစေ။

(သီတဂူဆရာတော်၏ဆောင်းပါးကောင်းလေးတစ်ပုဒ်)
ဒေါက်တာအရှင်ဉာဏိဿရ အဂ္ဂမဟာပဏ္ဍိတ၊ Ph.D., Litt. သီတဂူ ကမ္ဘာ့ဗုဒ္ဓတက္ကသိုလ်၊ စစ်ကိုင်း။

..............................

 

အထက်ဖော်ပြပါ ပို့စ်လေးကို ဒီဆိုက်လေး မှ ကူးယူဖော်ပြခြင်း ဖြစ်ပါသည်။